Do letschti sait dr Pit zu mir, ganz fin und zart
und flüschteret mir ins Ohr uf sini eige Art
Hösch Digge, dä Fisch dä macht mi langsam richtig Grangg
drum sali zämme, do bini, eyre Räpplibangg

E sone Sujetsitzig und das het si Grund
goht mit Disgutiere logger mol 3 Stund
nur bi uns Räppli isch die Gfohr sehr glai
mir hän e Vorschlag, guet und scho kasch wieder hai

E glaine Nochtrag hani no zum letschte Värs
i ha e bitt an Di und leg dr’s jetzt ans Härz
liebe Sven blib s’nägscht Joor eifach nur ruhig stoh
denn könne mir nomol e Stündli friehner goh

Mir hänn do eine, jo das isch e ganz e schlimme
i glaub mir mien das Kärli no e bitzli trimme
doch vorhär mien mir ihn ganz wichtig umsveregge
dr Schill wo uf em WC pfuust ganz fin go wegge

Jä mit em Pät, dass sag i eych do hämmer s’Gschängg
dä lieferet Material fyr daussig Schnitzelbängg
nur jedesmol wenn ich dr Käller due ufmache
hoff ich är liggt nit uf em Tisch und isch am Bache

Zwei vo de Suusispiiler hän e Gsöff sehr gärn
e soone Mixgetränk, dass isch jo hüt modärn
nur so wie die zwai das vernichte frog ich sträng
ob die bi dr Jacky oder Cola Aktie hän

Zem Schluss hani no e kurze und ganz e schnälle
är handlet vommene Bächli und vonere Forälle
nei chum mir lön das jetzt sunsch duet ein aafo toobe
drum sali zämme, i wintsch eych no e scheene Oobe